#ໂລກທັງໝົດເປັນໄປຕາມອຳນາດຂອງທັມອັນໜຶ່ງຄື ຈິດ
ໂລກຈະເລີນໂລກເສື່ອມຂຶ້ນຢູ່ກັບອຳນາດຂອງຈິດເປັນປັດໄຈ ຖ້າມະນຸດທັງຫຼາຍປະພຶດທັມໂລກກໍຈະເລີນ ຖ້າມະນຸດທັງຫຼາຍປະພຶດອະທັມໂລກກໍເສື່ອມ.
ແລະໃນອະນາຄົດ ໂລກຍິ່ງຈະເສື່ອມລົງ ເພາະມະນຸດປະພຶດອະທັມ ພຣະພຸດທະເຈົ້າຕັດໄວ້ວ່າ ເມື່ອມະນຸດປະພຶດອະທັມ ອາຍຸຂອງມະນຸດກໍຈະຫຼຸດລົງມາເຫຼືອ 10 ປີ ແລະໃນຄັ້ງນັ້ນ ກໍຈະເກີດສັດຖັນຕະຣະກັບ (ກັບທີ່ໂລກພິນາດດ້ວຍສາດຕາວຸດ) ຢູ່ 7 ວັນ ກໍຄື ຄົນຈະຂ້າກັນດ້ວຍສາດຕາວຸດ (ທັງໂລກຈະເຮັດສົງຄາມກັນຈົນໝົດອາວຸດເສິກແລ້ວ ເຫຼືອສອງຄົນສຸດທ້າຍ ຈະຂ້າກັນດ້ວຍສາດຕາວຸດ ເປັນອັນຈົບສິ້ນສັດຖັນຕະຣະກັບ ຜູ້ທີ່ເຂົ້າໄປຢູ່ໃນປ່າຈະລອດ)