"ການສ້າງບາລະມີ" ກັບ "ການຂົນຂວາຍໃຫ້ໄດ້ລາບສັກກາລະແລະຄວາມສັນລະເສີນ" ມັນຄົນລະເລື່ອງກັນ ການສ້າງບາລະມີມັນຕ້ອງສ້າງສິ່ງທີ່ເປັນກຸສົນເທົ່ານັ້ນ ຈຶ່ງເອີ້ນວ່າສ້າງບາລະມີ ສ່ວນການຂົນຂວາຍໃຫ້ໄດ້ລາບເປັນອະກຸສົນ ດັ່ງນັ້ນ ຈຶ່ງບໍ່ແມ່ນການສ້າງກຸສົນ ນີ້ຄືໂຣກບັນພະຊິດ 4 ຢ່າງ :

• ພິກຂຸເປັນຜູ້ມັກມາກ ມີຄວາມຮ້ອນໃຈຢູ່ສະເໝີ ບໍ່ສັນໂດດດ້ວຍຈີວອນ ບິນທະບາດ ເສນາສະນະ ຄິລານປັດໄຈຕາມມີຕາມໄດ້
• ພິກຂຸນັ້ນເມື່ອເປັນຜູ້ມັກມາກ ມີຄວາມຮ້ອນໃຈຢູ່ສະເໝີ ບໍ່ສັນໂດດດ້ວຍຈີວອນ ບິນທະບາດ ເສນາສະນະ ຄິລານປັດໄຈຕາມມີຕາມໄດ້ ຍ່ອມຕັ້ງຄວາມປາດຖະໜາລາມົກ ເພື່ອຈະໄດ້ຄວາມຍົກຍ້ອງ ເພື່ອຈະໄດ້ລາບສັກກາລະແລະຄວາມສັນລະເສີນ
• ພິກຂຸນັ້ນວິ່ງເຕັ້ນຂົນຂວາຍພະຍາຍາມ ເພື່ອຈະໄດ້ລາບສັກກາລະແລະຄວາມສັນລະເສີນ
• ພິກຂຸນັ້ນ ເຂົ້າສູ່ຕະກຸນເພື່ອໃຫ້ເຂົານັບຖື ນັ່ງຢູ່ (ໃນຕະກຸນ) ເພື່ອໃຫ້ເຂົານັບຖື ກ່າວທັມ (ໃນຕະກຸນ) ເພື່ອໃຫ້ເຂົານັບຖື ກັ້ນອຸດຈາລະ ປັດສາວະຢູ່ (ໃນຕະກຸນ) ກໍເພື່ອໃຫ້ເຂົານັບຖື