ຜູ້ໃດຖືລັກສະນະວ່າ ການຢາດນ້ຳທີ່ຖືກຕ້ອງ ຕ້ອງເປັນແບບນັ້ນແບບນີ້ ຖືລັກສະນະວ່າ ການຢາດນ້ຳເປັນປັດໄຈເຮັດໃຫ້ຊີວິດດີຂຶ້ນຫຼືບໍ່ດີຂຶ້ນ ແບບນີ້ເອີ້ນວ່າ ຖືມຸງຄຸນຕື່ນຂ່າວ ບໍ່ເຊື່ອກັມ ຜູ້ທີ່ຖືລັກສະນະງົມງາຍ ຖືມຸງຄຸນຕື່ນຂ່າວ ຍ່ອມບໍ່ພົ້ນໄປຈາກທຸກໄດ້.

ຜູ້ທີ່ຖືລັກສະນະງົມງາຍ ຖືມຸງຄຸນຕື່ນຂ່າວ ເປັນອຸບາສົກທີ່ບໍ່ຖືກຕ້ອງຕາມພຣະພຸດທະສາດສະໜາ ພຣະພຸດທະເຈົ້າຕັດໄວ້ວ່າ ເປັນອຸບາສົກຈັນທານ ມີມົນທິນ ເສົ້າໝອງ ແລະຊົ່ວ.

ຊີວິດບໍ່ດີຂຶ້ນ ມັນກ່ຽວຂ້ອງກັບວິບາກກັມເກົ່າສົ່ງຜົນ ປະກອບການກະທຳໃນປັດຈຸບັນວ່າມີສ່ວນທີ່ເປັນກຸສົນຫຼາຍໜ້ອຍຊ່ຳໃດ ໄດ້ແກ້ໄຂອັນທີ່ບໍ່ຖືກຕ້ອງໄດ້ຫຼາຍພຽງໃດ ເຊັ່ນ ຖືພຣະພຸດ ພຣະທັມ ພຣະສົງ ຖືກຕ້ອງຫຼືບໍ່ ມີສິນຖືກຕ້ອງຫຼືບໍ່ ເບິ່ງ "ແກ້ໄຂຫຼືແກ້ກັມໃນຫຼັກພຸດທະສາດສະໜາ"