#ເສດວິບາກກັມຂອງພຣະພຸດທະເຈົ້າ
- ທຳທຸກກະຣະກິຣິຍາ : ກໍໃນການນັ້ນ ເຮົາໄດ້ເປັນພຣາມຊື່ ໂຊຕິປາລະ ໄດ້ກ່າວກັບພຣະກັດສະປະສຸຄົດເຈົ້າວ່າ ການຕັດສະຮູ້ຂອງສະມະນະໂຫຼ້ນຈະມີມາແຕ່ໃສ ການຕັດສະຮູ້ເປັນຂອງໄດ້ຍາກຍິ່ງ ເພາະວິບາກຂອງກັມນັ້ນ ເຮົາຈຶ່ງຕ້ອງທຳທຸກກະຣະກິຣິຍາມາກມາຍຢູ່ຕຳບົນອຸຣຸເວລາເຖິງ ໖ ປີ
- ຖືກກ່າວໂທດ : ພຣະພຸດທະເຈົ້າຜູ້ຊົງຄອບງຳສິ່ງທັງປວງ ມີສາວົກຊື່ວ່າ ນັນທະ ເຮົາກ່າວຕູ່ພຣະສາວົກຊື່ວ່ານັນທະນັ້ນ ຈຶ່ງໄດ້ທ່ອງທ່ຽວໄປໃນນະຣົກ ສິ້ນການລະນານເຖິງໝື່ນປີ ໄດ້ຄວາມເປັນມະນຸດແລ້ວ ໄດ້ຮັບການກ່າວຕູ່ມາກມາຍ ເພາະກັມທີ່ເຫຼືອນັ້ນ ນາງຈິນຈະມານະວິກາ ໄດ້ກ່າວຕູ່ເຮົາດ້ວຍຄຳອັນບໍ່ຈິງຕໍ່ໜ້າໝູ່ຊົນ
- ຖືກດ່າ : ໃນຊາດອື່ນໆ ໃນຄັ້ງກ່ອນ ເຮົາເປັນນັກເລງຊື່ວ່າ ມຸນາລິ ໄດ້ກ່າວຕູ່ ພຣະສຸຣະພິປັດເຈກພຸດທະເຈົ້າ ຜູ້ບໍ່ປະທຸດສະຮ້າຍ ເພາະວິບາກຂອງກັມນັ້ນ ເຮົາຈຶ່ງທ່ອງທ່ຽວໄປໃນນະຣົກສິ້ນການລະນານ ສະເຫວີຍທຸກຂະເວທະນາຫຼາຍພັນປີ ດ້ວຍເສດກັມທີ່ເຫຼືອນັ້ນ ໃນພົບສຸດທ້າຍນີ້ ເຮົາຈຶ່ງໄດ້ຮັບການກ່າວຕູ່ ເພາະເຫດແຫ່ງນາງສຸນທຣີ
- ຖືກກ່າວຫາ : ເຮົາເປັນພຣາມຮຽນຈົບແລ້ວ ເປັນຜູ້ອັນມະຫາຊົນສັກກາຣະບູຊາ ໄດ້ສອນມົນແກ່ມານົບ ໕໐໐ ຄົນໃນປ່າໃຫຍ່ ພຣະລືສີຜູ້ກ້າ ສຳເລັດອະພິນຍາ ໕ ມີຣິດມາກ ມາໃນທີ່ນີ້ນັ້ນ ແລະເຮົາໄດ້ເຫັນພຣະລືສີນັ້ນມາແລ້ວ ໄດ້ກ່າວຕູ່ທ່ານຜູ້ບໍ່ປະທຸດສະຮ້າຍ ແຕ່ນັ້ນ ເຮົາໄດ້ບອກກັບສິດທັງຫຼາຍວ່າ ລືສີນີ້ເປັນຜູ້ບໍລິໂພກກາມ ແມ້ເມື່ອເຮົາບອກຢູ່ ມານົບທັງຫຼາຍກໍພອຍຍິນດີຕາມແຕ່ນັ້ນ ມານົບທຸກຄົນທ່ຽວພິກສາໄປທຸກໆຕະກຸນ ກໍບອກແກ່ມະຫາຊົນວ່າ ລືສີນີ້ ບໍລິໂພກກາມ ເພາະວິບາກຂອງກັມນັ້ນ ພິກຂຸ ໕໐໐ ອົງນີ້ຈຶ່ງໄດ້ຮັບການກ່າວຕູ່ນຳກັນທັງໝົດ ເພາະເຫດແຫ່ງນາງສຸນທຣີ
- ຖືກສິລາກະທົບ : ເມື່ອຊາດກ່ອນ ເຮົາຂ້ານ້ອງຊາຍຕ່າງມານດາ ເພາະເຫດແຫ່ງຊັບ ເຮົາໃສ່ລົງໃນຊອກຫິນແລະບົດດ້ວຍຫິນ ເພາະວິບາກຂອງກັມນັ້ນ ພຣະເທວະທັດຈຶ່ງກິ້ງຫິນ ກ້ອນຫິນບົດນິ້ວໂປ້ເທົ້າຂອງເຮົາ
- ສະເຫວີຍເວທະນາຈາກສະເກັດຫິນ ໄດ້ເກີດການຫໍ້ພຣະໂລຫິດຂຶ້ນ : ໃນການກ່ອນ ເຮົາເປັນເດັກຫຼິ້ນຢູ່ທີ່ຫົນທາງໃຫຍ່ ເຫັນພຣະປັດເຈກພຸດທະເຈົ້າໃນຫົນທາງ ຈຶ່ງແກວ່ງສະເກັດຫິນໃສ່ ເພາະວິບາກຂອງກັມນັ້ນ ໃນພົບຫຼັງສຸດນີ້ ພຣະເທວະທັດຈຶ່ງປະກອບນັກແມ່ນທະນູເພື່ອຂ້າເຮົາ
- ປ່ອຍຊ້າງນາລາຄິຣີ : ໃນການກ່ອນ ເຮົາໄດ້ເປັນຄວານຊ້າງ ໄດ້ເຮັດຊ້າງໃຫ້ໂກດພຣະປັດເຈກມຸນີຜູ້ສູງສຸດ ຜູ້ທີ່ກຳລັງທ່ຽວບິນທະບາດຢູ່ນັ້ນ ເພາະວິບາກຂອງກັມນັ້ນ ຊ້າງນາລາຄິຣີຕົວຮ້າຍໝຸນເຂົ້າມາປະຈັນໃນບຸຣີອັນປະເສີດ ຊື່ວ່າຄິຣິບພະຊະ ຄື ກຸງຣາດຊະຄຶ
- ຖືກຜ່າຕັດດ້ວຍສັດສະຕຣາ : ເຮົາເປັນຄົນເດີນເທົ້າ ຂ້າຄົນທັງຫຼາຍດ້ວຍຫອກ ດ້ວຍວິບາກຂອງກັມນັ້ນ ເຮົາຖືກໄຟໄໝ້ຢູ່ໃນນະຣົກຢ່າງຮຸນແຮງ ດ້ວຍເສດຂອງກັມນັ້ນ ມາບັດນີ້ ເຮົາຈຶ່ງຕັດໜັງທີ່ເທົ້າຂອງເຮົາເສຍສິ້ນ ເພາະຍັງບໍ່ໝົດກັມ
- ປວດສີສະ : ເຮົາເປັນລູກຊາວປະມົງໃນໝູ່ບ້ານຊາວປະມົງ ເຫັນປາທັງຫຼາຍຖືກຂ້າ ໄດ້ເຮັດຄວາມໂສມະນັດດີໃຈໃຫ້ເກີດຂຶ້ນ ເພາະວິບາກຂອງກັມນັ້ນ ຄວາມທຸກທີ່ສີສະໄດ້ມີແກ່ເຮົາແລ້ວໃນຄາວທີ່ເຈົ້າວິທູທະພະຂ້າສັດທັງໝົດ (ຄືເຈົ້າສາກກະຍະ) ແລ້ວ
- ກິນເຂົ້າແດງ : ເຮົາໄດ້ບໍຣິພາດພຣະສາວົກທັງຫຼາຍ ໃນສາດສະໜາຂອງພຣະພຸດທະເຈົ້າ ພຣະນາມວ່າ ຜຸດສະ ວ່າ ພວກທ່ານຈົ່ງຫຍ້ຳ ຈົ່ງກິນແຕ່ເຂົ້າແດງ ຢ່າກິນເຂົ້າສາລີເລີຍ ດ້ວຍວິບາກຂອງກັມນັ້ນ ເຮົາຈຶ່ງໄດ້ຫຍ້ຳກິນເຂົ້າແດງຕະຫຼອດໄຕມາດ ເພາະວ່າໃນຄາວນັ້ນ ເຮົາອັນພຣາມນິມົນແລ້ວຈຶ່ງໄດ້ຢູ່ໃນບ້ານເວຣັນຊາ
- ປວດຫຼັງ : ເມື່ອການປ້ຳກັນດຳເນີນຢູ່ ເຮົາໄດ້ບຽດບຽນບຸດນັກມວຍປ້ຳ (ໃຫ້ລຳບາກ) ດ້ວຍວິບາກຂອງກັມນັ້ນ ຄວາມທຸກທີ່ຫຼັງ (ປວດຫຼັງ) ຈຶ່ງມີແກ່ເຮົາ
- ຖ່າຍເປັນເລືອດ : ເຮົາເປັນໝໍຮັກສາໂຣກ ໄດ້ຖ່າຍຢາບຸດຂອງເສດຖີ ດ້ວຍວິບາກຂອງກັມນັ້ນ ໂຣກປັກຂັນທິກາພາດຈຶ່ງມີແກ່ເຮົາ
ໝາຍເຫດ : ເພື່ອຄວາມເຂົ້າໃຈເພີ່ມເຕີມ ກົດໃສ່ລິງກ໌ເພື່ອອ່ານເພີ່ມ