• ໃຫ້ຂອງສົມຄວນ : ຄືໃຫ້ສິ່ງທີ່ບໍ່ຜິດວິໄນແກ່ພຣະ (ສິ່ງຂອງທີ່ບໍ່ເປັນອະກັບປິຍະ) ເຊັ່ນ ເງິນທອງ ... ເນື້ອສັດທີ່ຂ້າເພື່ອຖວາຍພຣະ ເຫຼົ່ານີ້ເປັນຕົ້ນ ຖ້າໃຫ້ຂອງທີ່ບໍ່ສົມຄວນ ເຈົ້າກໍເປັນອະສັດບຸລຸດທັນທີ
• ເລືອກໃຫ້ : ເລືອກໃຫ້ຜູ້ທີ່ມີສິນ ເພາະພຣະພຸດທະເຈົ້າຕັດໄວ້ວ່າ ໃຫ້ພຣະທຸສິນບໍ່ມີຜົນຫຼາຍ

ບາງຄົນອາດຄິດວ່າ ເອົາເງິນຖວາຍພຣະໂດຍມີເຈດຕະນາທີ່ດີ ໃຫ້ພຣະໄດ້ເອົາໄປໃຊ້ໃນທາງທີ່ຄວນ ບໍ່ເປັນຫຍັງ ອັນນີ້ບໍ່ແມ່ນເລີຍ ແລະກໍບໍ່ມີກ່າວໄວ້ໃນສັບປຸຣິສະທານ 8 ປະການ ເພາະການອາບັດຂອງພຣະບໍ່ໄດ້ຂຶ້ນຢູ່ກັບເຈດຕະນາຂອງທາຍົກເປັນປັດໄຈ ປະເດັນການໃຫ້ຂອງທາຍົກ ຕ້ອງເບິ່ງວ່າເປັນຂອງທີ່ສົມຄວນໃຫ້ຫຼືບໍ່ ຜິດວິໄນຫຼືບໍ່ ຕາມທີ່ໄດ້ກ່າວໄວ້ໃນສັບປຸຣິສະທານ 8 ປະການບໍ່ແມ່ນໄປມະໂນຄິດເອົາເອງ ວ່າມີເຈດຕະນາດີ ແບບນັ້ນ ແບບນີ້ ຍົກຕົວຢ່າງ ເຈົ້າຮັກລູກເຈົ້າໃນທາງທີ່ຜິດ ລູກເຈົ້າຢາກເສບຢາ ກໍໄປຊື້ໃຫ້ ເອົາຢາບ້າໃຫ້ລູກເສບ ຖາມວ່າ ການໃຫ້ແບບນີ້ຜິດຫຼືບໍ່ ? ສ່ວນພຣະຮັບ ອ້າງວ່າເອົາໄປໃຊ້ປະໂຫຍດ ແບບນັ້ນ ແບບນີ້ ຜິດທັງນັ້ນ ເພາະເປັນ "ອະກັບປິຍະ" ແລະໜ້າທີ່ຂອງພຣະ ຄືສະແດງທັມບອກທາຍົກ ເລື່ອງ ວິທີປະຕິບັດ ໃນເລື່ອງເງິນທອງ ທີ່ມີຜູ້ຖວາຍ ບໍ່ແມ່ນໄປຮັບ.

ບໍ່ແມ່ນວ່າ ການໃຫ້ທຸກຢ່າງຈະເປັນບຸນ ເຊັ່ນ ບາງຄົນໄປຖາມພຣະວ່າ ຂ້າສັດທຳບຸນບາບບໍ່ ? ພຣະຕອບວ່າ ສ່ວນທີ່ຂ້າເປັນບາບໃນສ່ວນທີ່ຂ້າ ສ່ວນທີ່ເອົາໄປຖວາຍພຣະກໍເປັນບຸນໃນສ່ວນໃຫ້ ອັນນີ້ບໍ່ແມ່ນເດີ ໃນຊີວົກສູດ ຂ້າສັດທຳບຸນໄດ້ບາບດ້ວຍເຫດ 5 ປະການ ພຣະພຸດທະເຈົ້າຕັດໄວ້ວ່າ ເນື້ອນັ້ນ ກໍເປັນບາບເໝືອນກັນ ຖ້າເອົາໄປຖວາຍພຣະ ເພາະເປັນ ອະກັບປິຍະ

ດັ່ງນັ້ນ ຈະເຫັນໄດ້ວ່າ ປະເດັນຢູ່ທີ່ວ່າ ເປັນອະກັບປິຍະຫຼືບໍ່ ເງິນທອງກໍຄືກັນ ເປັນອະກັບປິຍະ ໃຫ້ກໍເປັນບາບ ບໍ່ວ່າໃຫ້ດ້ວຍຈຸດປະສົງໃດກໍຕາມ ມີອົງປະກອບຂອງຄວາມຜິດຫຼາຍຢ່າງ ເຊັ່ນ ສົ່ງເສີມພຣະໃຫ້ເຮັດຜິດວິໄນ (ເປັນການຊັກຊວນເຂົ້າໃນທັມວິໄນທີ່ກ່າວໄວ້ຊົ່ວ ຍ່ອມປະສົບບາບກັມບໍ່ແມ່ນບຸນເປັນອັນມາກ ) ມີສ່ວນເຮັດໃຫ້ສາດສະໜາເສື່ອມໂຊມ ປະຕິບັດຜິດຕໍ່ພຣະໄປນະຣົກ