ສັນຫົນດຽວໝາຍເຖິງການ ຫຼື ຈຳນວນຂອງການສັນ ?

#ສັນຫົນດຽວໝາຍເຖິງການ ຫຼື ຈຳນວນຂອງການສັນ ?

ເນື່ອງຈາກມີອັດຖະກະຖາອະທິບາຍວ່າເຖິງແມ່ນວ່າຈະສັນຈັກ 10 ຄັ້ງ ໃນເວລາພາຍໃນຕອນທ່ຽງ ກໍເປັນຜູ້ຊື່ວ່າ ສັນຫົນດຽວ ຈຶ່ງມີການຕີຄວາມວ່າ ໝາຍເຖິງການ ບໍ່ແມ່ນຈຳນວນຂອງການສັນ ແຕ່ຜູ້ຂຽນເຊື່ອວ່າ ບໍ່ແມ່ນການ ແຕ່ໝາຍເຖິງຈຳນວນຂອງການສັນ ໂດຍພິຈາລະນາເບິ່ງວ່າ ພຣະພຸດທະເຈົ້າສັນຈັກຄັ້ງ ແລະ ໃຊ້ຄຳບັນຍັດສິກຂາບົດວ່າແນວໃດ.

(1) ພຣະພຸດທະເຈົ້າສັນຈັກຄັ້ງ : ຕ້ອງເບິ່ງວ່າ ພຣະພຸດທະເຈົ້າສັນຫຼາຍກວ່່າໜຶ່ງຄັ້ງຫຼືບໍ່ ແລ້ວກໍເອົາມາເປັນຖານ ແຕ່ເທົ່າທີ່ຄົ້ນຂໍ້ມູນໃນພຣະໄຕປິດົກ ບໍ່ພົບວ່າ ພຣະພຸດທະເຈົ້າສັນຫຼາຍກວ່າໜຶ່ງຄັ້ງ ເພິ່ນຕັດວ່າເພິ່ນສັນແຄ່ໜຶ່ງ ແລະກໍບໍ່ພົບຂໍ້ມູນວ່າ ເພິ່ນສັນຫຼາຍກວ່າໜຶ່ງ ຄຳຕອບກໍມີຢູ່ໃນຕົວຢູ່ແລ້ວ ເພາະເມື່ອສັນແຄ່ໜຶ່ງ ກໍຕ້ອງໝາຍເຖິງຈຳນວນ ບໍ່ແມ່ນການ ດັ່ງນັ້ນ ທີ່ວ່າໝາຍເຖິງການນັ້ນ ກໍຕ້ອງຂັດກັບພຸດທະພົດ
(2) ໃຊ້ຄຳບັນຍັດສິກຂາບົດວ່າແນວໃດ : ສິກຂາບົດທີ່ພຣະພຸດທະເຈົ້າຊົງບັນຍັດກ່ຽວກັບການສັນອາຫານນັ້ນ ບໍ່ວ່າຈະເປັນ ປະຣັມປະຣະໂພຊະນີຍະສິກຂາບົດ ("ເປັນປາຈິດຕີ ເພາະໂພຊະນະທີຫຼັງ" ) ປະຖົມປະວາຣະນາສິກຂາບົດ ("ອະນຶ່ງ ພິກຂຸໃດສັນແລ້ວ ຫ້າມພັດແລ້ວ ຄ້ຽວກໍດີສັນກໍດີ ຊຶ່ງຂອງຄ້ຽວກໍດີ ຂອງສັນກໍດີ ເປັນປາຈິດຕີ" ) ກໍລ້ວນແຕ່ຊີ້ໄປໃນທິດທາງດຽວກັນໝົດເລີຍວ່າບໍ່ເກີນໜຶ່ງຄັ້ງ ຊຶ່ງກໍໝາຍເຖິງຈຳນວນຂອງການສັນ ພຣະພຸດທະເຈົ້າບໍ່ໄດ້ເວົ້າເຖິງການເລີຍໃນສິກຂາບົດເຫຼົ່ານີ້ ດັ່ງນັ້ນ ທີ່ວ່າມຸ່ງເຖິງການນັ້ນ ຈຶ່ງຂັດກັບພຸດທະພົດ
ໃນອະນຸບັນຍັດທີ່ອະນຸຍາດສັນເກີນໜຶ່ງຄັ້ງໄດ້ໃນກໍລະນີທີ່ຈຳເປັນເທົ່ານັ້ນ ຊຶ່ງກໍລະນີທີ່ຈຳເປັນນັ້ນ ບໍ່ແມ່ນເລື່ອງປົກກະຕິ ຊິຈັບເອົາອັດຖະກະຖານີ້ ມາໃສ່ອະນຸບັນຍັດ ແລ້ວຕີຄວາມວ່າສັນເກີນໜຶ່ງຄັ້ງໄດ້ເປັນປົກກະຕິແບບນີ້ ຂັດກັບພຸດທະພົດ ຖ້າຈັບເອົາມາໃສ່ກັນແບບນີ້ໄດ້ ກໍຕ້ອງຖາມໄປວ່າ ແລ້ວພຣະບັນຍັດຫຼັກຊຶ່ງໃຫຍ່ກວ່າອະນຸບັນຍັດຫຼັກລະ ? ລອງເອົາອັດຖະກະຖານີ້ໄປທຽບໃສ່ພຣະບັນຍັດຫຼັກ (ທີ່ເວົ້າເຖິງຈຳນວນຂອງການສັນວ່າບໍ່ເກີນໜຶ່ງຄັ້ງ) ເບິ່ງວ່າຊິເຂົ້າກັນໄດບໍ່ ? ແລ້ວເອົາອັດຖະກະຖານີ້ໄປທຽບໃສ່ກໍລະນີພຣະພຸດທະເຈົ້າສັນແຄ່ໜຶ່ງຄັ້ງເບິ່ງວ່າຊິເຂົ້າກັນໄດ້ບໍ່ ? ຖ້າການສັນຫຼາຍກວ່າໜຶ່ງຄັ້ງເປັນເລື່ອງປົກກະຕິ ສິກຂາບົດທີ່ວ່າມານີ້ຈະບໍ່ມີຄວາມໝາຍເລີຍ

ກະທູ້ທີ່ກ່ຽວຂ້ອງ : #ພຣະພຸດທະເຈົ້າໃຫ້ໃຊ້ຄວາມພິຈາລະນາ ບໍ່ແມ່ນວ່າທີ່ມີຢູ່ໃນຕຳລານັ້ນໃຫ້ເອົາໝົດ (ຕົວຢ່າງ ອັດຖະກະຖາທີ່ເຫັນວ່າຂັດກັບພຸດທະພົດ) #ພຣະພຸດທະເຈົ້າສັນແຄ່ໜຶ່ງຄັ້ງ (One Time) #ພຣະພຸດທະເຈົ້າບໍ່ໄດ້ໄປນັ່ງລໍຖ້າເຂົາເຮັດອາຫານ ເຮັດພັດຕາຫານສຳເລັດແລ້ວ ເຂົາຊິໃຫ້ຄົນໄປຂາບທູນພັດຕະການແດ່ພຣະຜູກມີພຣະພາກເຈົ້າ