ພຣະສາຣີບຸດເຂົ້າໄປເຝົ້າພຣະຜູ້ມີພຣະພາກເຈົ້າ ແລ້ວທູນຖາມວ່າ ອີຫຍັງໜໍເປັນເຫດເປັນປັດໄຈ ໃຫ້ການຄ້າຂາຍຢ່າງດຽວກັນ ພໍ່ຄ້າບາງຄົນປະກອບແລ້ວຂາດທຶນ ... ບາງຄົນປະກອບແລ້ວໄດ້ກຳໄລບໍ່ເທົ່າທີ່ປະສົງ ... ບາງຄົນປະກອບແລ້ວໄດ້ກຳໄລຕາມທີ່ປະສົງ ... ບາງຄົນປະກອບແລ້ວໄດ້ກຳໄລຍິ່ງກວ່າທີ່ປະສົງ ພຣະຜູ້ມີພຣະພາກເຈົ້າຕັດຕອບວ່າ ...

• (1) ປະວາຣະນາ ສະມະນະຫຼືພຣາມ (ຜູ້ມີສິນມີທັມອັນດີ) ໃຫ້ບອກຂໍປັດໄຈໄດ້ ບຸກຄົນນັ້ນປະວາຣະນາດ້ວຍປັດໄຈໃດ ບໍ່ໃຫ້ປັດໄຈນັ້ນ ບຸກຄົນນັ້ນຖ້າຕາຍຈາກອັດຕະພາບນັ້ນມາສູ່ອັດຕະພາບນີ້ ຫາກປະກອບການຄ້າຂາຍອັນໃດ ການຄ້າຂາຍອັນນັ້ນຍອມຂາດທຶນ (ບອກໃຫ້ຂໍ ເມື່ອຂໍແລ້ວ ພັດບໍ່ໃຫ້ຕາມທີ່ຜູ້ຂໍປະສົງ)
• (2) ປະວາຣະນາ ສະມະນະຫຼືພຣາມ (ຜູ້ມີສິນມີທັມອັນດີ) ໃຫ້ບອກຂໍປັດໄຈໄດ້ ບຸກຄົນນັ້ນປະວາຣະນາດ້ວຍປັດໄຈໃດ ໃຫ້ປັດໄຈນັ້ນບໍ່ເທົ່າທີ່ປະສົງ ບຸກຄົນນັ້ນຖ້າຕາຍຈາກອັດຕະພາບນັ້ນມາສູ່ອັດຕະພາບນີ້ ຫາກປະກອບການຄ້າຂາຍອັນໃດ ການຄ້າຂາຍນັ້ນຍ່ອມໄດ້ກຳໄລບໍ່ເທົ່າທີ່ປະສົງ (ບອກໃຫ້ຂໍ ເມື່ອຂໍແລ້ວ ໃຫ້ບໍ່ເທົ່າທີ່ຜູ້ຂໍປະສົງ)
• (3) ປະວາຣະນາ ສະມະນະຫຼືພຣາມ (ຜູ້ມີສິນມີທັມອັນດີ) ໃຫ້ບອກຂໍປັດໄຈໄດ້ ບຸກຄົນນັ້ນປະວາຣະນາດ້ວຍປັດໄຈໃດ ໃຫ້ປັດໄຈນັ້ນຕາມທີ່ປະສົງ ບຸກຄົນນັ້ນຖ້າຕາຍຈາກອັດຕະພາບນັ້ນມາສູ່ອັດຕະພາບນີ້ ຫາກປະກອບການຄ້າຂາຍອັນໃດ ການຄ້າຂາຍອັນນັ້ນຍ່ອມໄດ້ກຳໄລຕາມທີ່ປະສົງ (ບອກໃຫ້ຂໍ ເມື່ອຂໍແລ້ວ ໃຫ້ຕາມທີ່ຜູ້ຂໍປະສົງ)
• (4) ປະວາຣະນາ ສະມະນະຫຼືພຣາມ (ຜູ້ມີສິນມີທັມອັນດີ) ໃຫ້ບອກຂໍປັດໄຈໄດ້ ບຸກຄົນນັ້ນປະວາຣະນາດ້ວຍປັດໄຈໃດ ໃຫ້ປັດໄຈນັ້ນຍິ່ງກວ່າທີ່ປະສົງ ບຸກຄົນນັ້ນຖ້າຕາຍຈາກອັດຕະພາບນັ້ນມາສູ່ອັດຕະພາບນີ້ ຫາກປະກອບການຄ້າຂາຍອັນໃດ ການຄ້າຂາຍອັນນັ້ນຍ່ອມໄດ້ກຳໄລຍິ່ງກວ່າທີ່ປະສົງ (ບອກໃຫ້ຂໍ ເມື່ອຂໍແລ້ວ ໃຫ້ເກີນທີ່ຜູ້ຂໍປະສົງ)

ຄ້າຂາຍແລ້ວຂາດທຶນ ວິທີແກ້ ເຊັ່ນ ຍອມຮັບ ບໍ່ກະທຳກັມທີ່ສົ່ງຜົນໃຫ້ຄ້າຂາຍແລ້ວຂາດທຶນ ໃຫ້ບຸນອຸທິດແກ່ເທວະດາທີ່ທຳພລີກັມ ເທວະດາບໍລິເວນທີ່ຢູ່ອາໄສ ແຕ່ຢ່າໄປຫຍຸ້ງກັບສິ່ງທີ່ງົມງາຍ

ເຊັ່ນ ເລື່ອງເທວະດາຊ່ວຍໃນການຄ້າຂາຍກໍມີ