#ພຣະພຸດທະເຈົ້າສັນແຄ່ໜຶ່ງຄັ້ງ (One Time)
ກ່ອນພັດຄັ້ງດຽວ ໝາຍເຖິງສັນແຄ່ຄັ້ງດຽວ ເວລາໃດກໍໄດ້ ນັບຕັ້ງແຕ່ຕາເວັນຂຶ້ນໄປຈົນເຖິງທ່ຽງ ບໍ່ກາຍທ່ຽງໄປ
ກະທູ້ທີ່ກ່ຽວຂ້ອງ :
#ພຣະພຸດທະເຈົ້າໃຫ້ໃຊ້ຄວາມພິຈາລະນາ ບໍ່ແມ່ນວ່າທີ່ມີຢູ່ໃນຕຳລານັ້ນໃຫ້ເອົາໝົດ (ຕົວຢ່າງ ອັດຖະກະຖາທີ່ເຫັນວ່າຂັດກັບພຸດທະພົດ)
#ສັນຫົນດຽວໝາຍເຖິງການ ຫຼື ຈຳນວນຂອງການສັນ ?
ดูก่อนภิกษุทั้งหลาย ...เราฉันอาหารในเวลาก่อนภัตครั้งเดียว เมื่อเราฉันอาหารในเวลาภัตครั้งเดียว ย่อมรู้สึกคุณ คือ ความเป็นผู้มีอาพาธน้อย มีโรคเบาบาง กายเบามีกำลัง และอยู่สำราญ...
- ໃນຄັ້ງພຸດທະການ ເມື່ອເຮັດພັດຕາຫານຮຽບຮ້ອຍແລ້ວ ເຂົາຈະໃຫ້ຄົນໄປຂາບທູນພຣະຜູ້ມີພຣະພາກເຈົ້າວ່າ ໄດ້ເວລາແລ້ວ ພັດຕາຫານສຳເລັດຮຽບຮ້ອຍແລ້ວ ຮຽກວ່າ "ແຈ້ງພັດຕະການ" ພິມຄຳວ່າ "ได้เวลาแล้ว" ແລະ ຄຳວ່າ "ภัตกาล" ຄົ້ນຫາໃນພຣະໄຕປິດົກສະບັບພາສາໄທໄດ້ເລີຍ ກໍຈະເຫັນວ່າ ມີຢູ່ຫຼາຍເລື່ອງ ບໍ່ພົບຂໍ້ມູນວ່າ ໃນການຮັບກິດນິມົນນັ້ນ ພຣະພຸດທະເຈົ້າໄປນັ່ງລໍຖ້າເຂົາເຮັດອາຫານ ເຮັດຮຽບຮ້ອຍແລ້ວໄປຂາບທູນພັດຕະການຕໍ່ພຣະຜູ້ມີພຣະພາກເຈົ້າຈຶ່ງຈະສົມເຫດຜົນ ເພາະເປັນການຈັດການທີ່ດີ ເມື່ອສັນແລ້ວ ກໍບໍ່ພົບຂໍ້ມູນວ່າ ເພິ່ນສັນຢູ່ໃສອີກ ບໍ່ສັນອາຫານທີ່ເປັນເດນຂອງຄົນອື່ນເປັນຄັ້ງທີສອງ ແຕ່ຖ້າເປັນພັດຕາຫານຄັ້ງທີໜຶ່ງ ເຖິງຈະເປັນເດນຂອງຜູ້ອື່ນ ເພິ່ນກໍຮັບ
- ໃນພຸດທະກິດ 5 ຢ່າງ ກໍບໍ່ມີກ່າວໄວ້ວ່າ ພຣະອົງສັນຫຼາຍກວ່າໜຶ່ງຄັ້ງ ໃນກິດປຸເຣພັດນັ້ນ ... ສະເດັດໄປບິນທະບາບແລ້ວ ... ສະເຫວີຍພຣະກະຍາຫານແລ້ວ ... ສະເດັດເຂົ້າພຣະຄັນທະກຸຕິ ເປັນອັນສຳເລັດກິດໃນປຸເຣພັດ
- ພຣະພຸດທະເຈົ້າຕັດຄຸນແຫ່ງການສັນຫົນດຽວ ທັງໃນພັດທາລິສູດ ແລະ ກະກະຈູປະມະສູດ ວ່າ "ມີອາພາດໜ້ອຍ ລຳບາກໜ້ອຍ ເບົາກາຍ ມີກຳລັງ ແລະ ຢູ່ຢ່າງຜາສຸກ" ເມື່ອຕັດຄຸນແຫ່ງການສັນຫົນດຽວແບບນີ້ ຈະເປັນການສັນຫຼາຍກວ່າໜຶ່ງຄັ້ງ ຫຼື 10 ຄັ້ງ ບໍ່ສົມເຫດຜົນ ຖ້າການຕັດຄຸນແຫ່ງການສັນນີ້ ໝາຍເຖິງສັນຫຼາຍກວ່າໜຶ່ງຄັ້ງ ບໍ່ມີເຫດຜົນທີ່ພຣະພຸດທະເຈົ້າຊິໄປຕັດວ່າຫົນດຽວ ເພິ່ນກໍຕ້ອງຕັດວ່າ ເຮົາສັນຫຼາຍກວ່າໜຶ່ງຄັ້ງ ຫຼື ເຮົາສັນຫຼາຍຄັ້ງ ແຕ່ນີ້ ເພິ່ນບໍ່ໄດ້ຕັດແບບນັ້ນ ຢ່າວ່າແຕ່ພຣະພຸດທະເຈົ້າເລີຍ ແມ້ແຕ່ຄົນທຳມະດາທົ່ວໄປ ຖ້າໝາຍເຖິງສອງຂຶ້ນໄປ ເຂົາຈະບໍ່ເວົ້າວ່າໜຶ່ງ ດັ່ງນັ້ນ ຖ້າພຣະພຸດທະເຈົ້າໝາຍເຖິງສອງຂຶ້ນໄປ ຈະໃຊ້ຄຳວ່າ "ໜຶ່ງ" ເຮັດຫຍັງ ທັງໆທີ່ຄຳວ່າ "ຫຼາຍຄັ້ງ" ກໍມີ ? ຈຳນວນຕົວເລກສຳຄັນ ຍົກຕົວຢ່າງງ່າຍໆ ເຊັ່ນ ຖ້າເຈົ້າສັ່ງຊື້ສິນຄ້າອອນໄລນ໌ ແຊັດບອກຄົນຂາຍໄປວ່າເອົາໜຶ່ງອັນ ຄົນຂາຍກໍສົ່ງໃຫ້ແຄ່ໜຶ່ງ ຊິເອົາຫຼັກຖານທີ່ແຊັດກັນນັ້ນໄປຖຽງເຂົາວ່າ ເປັນຫຍັງຄືບໍ່ສົ່ງມາສອງ ໄດ້ບໍ່ ? ແລ້ວບັດນີ້ ຊິໄປອ້າງວ່າ ທີ່ເວົ້າວ່າ ໜຶ່ງນັ້ນໝາຍເຖິງສອງ ໄດ້ບໍ່ ? ແມ້ແຕ່ຕັກກະແບບນີ້ມັນຍັງບໍ່ສົມເຫດຜົນເລີຍ ແຕ່ນີ້ ພຣະພຸດທະເຈົ້າຕັດທັມ ຈະຕັດໜຶ່ງໃຫ້ມີຄວາມໝາຍວ່າຫຼາຍຄັ້ງ ບໍ່ສົມເຫດຜົນ ອີກຢ່າງ ເວລາທີ່ພຣະພຸດທະເຈົ້າຕັດທັມທີ່ກ່ຽວກັບຈຳນວນ ເພິ່ນຈະຕັດຊັດເຈນ ເຊັ່ນ ໃນເອກະປຸກຄົນວັກທີ ໑໓ "...ບຸກຄົນຜູ້ເອກ ເມື່ອເກີດຂຶ້ນໃນໂລກຍ່ອມເກີດຂຶ້ນເປັນຜູ້ບໍ່ເປັນທີສອງໃຜ..." ເພິ່ນກໍຕັດຊັດເຈນວ່າເພິ່ນເປັນໜຶ່ງ ແລ້ວບັດນີ້ຊິໄປຄັດຄ້ານວ່າ ເພິ່ນບໍ່ໄດ້ໝາຍຄວາມວ່າໜຶ່ງ ໂດຍໄປອ້າງວ່າ ພຣະພຸດທະເຈົ້າອຸບັດຂຶ້ນມາແລ້ວມີຫຼາຍກວ່າເມັດຫິນເມັດຊາຍ ຊິເຂົ້າກັນບໍ່ ? ດັ່ງນັ້ນ ການເວົ້າວ່າໜຶ່ງເພື່ອໃຫ້ໝາຍເຖິງຫຼາຍຄັ້ງ ບໍ່ແມ່ນຄຳເວົ້າຂອງບັນດິດ ຖ້າບັນດິດໝາຍເຖິງຫຼາຍກວ່າໜຶ່ງຫຼືຫຼາຍຄັ້ງ ຈະໃຊ້ອີກຄຳ ເຊັ່ນ ຄຳວ່າ "ປະຣັມປະຣະ" ໃນປະຣັມປະຣະສິກຂາບົດ ຊຶ່ງກໍມີຄວາມໝາຍວ່າຫຼາຍກວ່າໜຶ່ງຫຼືຫຼາຍຄັ້ງ ຈະບໍ່ໃຊ້ຄຳວ່າ "ເອກ"
- ອິນເດຍ ຈະມີຄຳເວົ້າບູຮານຢູ່ວ່າ "Yogi Bhogi Rogi" ກ່ຽວກັບເລື່ອງສຸຂະພາບ ເລື່ອງການບໍລິໂພກອາຫານ ພິມຄຳນີ້ຄົ້ນຫາແຫຼ່ງຂໍ້ມູນໃນ Google ໄດ້ເລີຍ ເຂົາກໍເວົ້າເຖິງຈຳນວນຂອງການບໍລິໂພກ ຊຶ່ງ Yogi ເວົ້າເຖິງການບໍລິໂພກອາຫານຄັ້ງດຽວຕໍ່ວັນ Bhogi ບໍລິໂພກສອງຄັ້ງຕໍ່ວັນ ແລະ Rogi ບໍລິໂພກສາມຄັ້ງຕໍ່ວັນ (ຮຽງຕາມລຳດັບດີຫາບໍ່ດີ) ຊຶ່ງຂໍ້ທີໜຶ່ງມີປາກົດໃນຕຳລາອາຍຸຣະເວດຂອງອິນເດຍ (Ayurveda) ແລະກໍສອດຄ່ອງກັບທີ່ພຣະພຸດທະເຈົ້າຕັດໃນເລື່ອງຄຸນແຫ່ງການສັນຄັ້ງດຽວ ສາມາດເອົາມາປະກອບການພິຈາລະນາເພີ່ມຕື່ມໄດ້ວ່າ ທີ່ພຣະພຸດທະເຈົ້າຕັດໄວ້ນັ້ນໝາຍເຖິງຈຳນວນຂອງການສັນ ບໍ່ແມ່ນກາລະ