• ພຣະພຸດທະຮູບ ກໍຄື ຮ່າງກາຍຂອງພຣະພຸດທະເຈົ້າ [ພຣະພຸດ + ຮູບ (ຮູບຮ່າງ ຮ່າງກາຍ) = ພຣະພຸດທະຮູບ] (The "Buddharupa" ຫຼື The "Form of the Awakened One") ແຕ່ພຣະພຸດທະຮູບ ອັນຕະຣະທານໄປແລ້ວຫຼັງອະນຸປາທິເສສະນິພານທາດ ຫຼື ຂັນປະຣິນິພານ ໄດ້ມີແລ້ວທີ່ເມືອງກຸສິນາຣາ ເມື່ອພຣະພຸດທະຮູບອັນຕະຣະທານ ຈະມີພຣະທາດ ດັ່ງນັ້ນ ປັດຈຸບັນນີ້ ພຣະພຸດທະຮູບບໍ່ມີ ແຕ່ກໍພາກັນສ້າງຮູບປັ້ນໃຫ້ເປັນຮູບປຽບພຣະພຸດທະເຈົ້າ ຊຶ່ງບໍ່ສາມາດເຮັດໄດ້ ເພາະຂັດກັບຂໍ້ອະປະຕິໂມ ແລ້ວກໍເອີ້ນຮູບປັ້ນວ່າພຣະພຸດທະຮູບຈົນຕິດປາກໄປແລ້ວ ທີ່ຈິງຖ້າຈະເອີ້ນໃຫ້ຖືກຕາມຫຼັກການທຳຄວາມເຫັນໃຫ້ກົງ ຮູບປັ້ນກໍເອີ້ນວ່າຮູບປັ້ນ ປະຕິມາກຳ ຊິໄປຮຽກຮູບປັ້ນວ່າເປັນຕົວຄົນໄດ້ແນວໃດ ເວລາເອົາຄົນເຂົ້າຄຸກ ເຂົາກໍເອົາຕົວຄົນນັ້ນລະເຂົ້າຄຸກ ບໍ່ແມ່ນເອົາຮູບປັ້ນຂອງຄົນນັ້ນເຂົ້າຄຸກ ເພາະມັນແທນກັນບໍ່ໄດ້
• ພຣະທາດ ກໍຄື ກະດູກພຣະພຸດທະເຈົ້າ (ກະດູກຂອງພຣະສາວົກພຣະພຸດທະເຈົ້າ ກະດູກຂອງພຣະປັດເຈກພຸດທະເຈົ້າ ກໍຮຽກວ່າ ພຣະທາດ) ປັດຈຸບັນນີ້ ເຮົາຢູ່ໃນຊ່ວງຂອງພຣະທາດ ບໍ່ແມ່ນຊ່ວງຂອງພຣະພຸດທະຮູບ (ເພາະພຣະພຸດທະຮູບອັນຕະຣະທານໄປແລ້ວ) ແລະພຣະທາດກໍຈະອັນຕະຣະທານໃນອະນາຄົດ

ທີ່ຈິງ ພຣະທາດກໍເປັນວັດຖຸທີ່ສືບເນື່ອງມາຈາກພຣະພຸດທະຮູບນັ້ນລະ ແຕ່ມີຄຳຮຽກຕ່າງກັນ ຢູ່ໃນຊ່ວງຕ່າງກັນ ຄວາມເປັນໄປຕ່າງກັນ ກະດູກ (ຫຼັງອະນຸປາທິເສສະນິພານ) ຮຽກວ່າ ພຣະທາດ ຕົວພຣະພຸດທະເຈົ້າເອີ້ນວ່າ ພຣະພຸດທະຮູບ ແຕ່ທັງສອງນີ້ ບໍ່ສາມາດເປັນຕົວແທນພຣະພຸດທະເຈົ້າໄດ້ ເພາະຮູບປະທັມຈະແທນນາມມະທັມບໍ່ໄດ້ ພຣະພຸດທະເຈົ້າຕັດໄວ້ວ່າ ພຣະທັມເປັນຕົວແທນພຣະພຸດທະເຈົ້າ ແລະສັນຍາລັກຂອງພຣະພຸດທະເຈົ້າກໍຄື ພຣະທັມ
ໝາຍເຫດ : ຊິໃຫ້ເຂົ້າໃຈຄວາມຕ່າງລະຫວ່າງ ພຣະພຸດທະເຈົ້າ ພຣະທັມ ພຣະພຸດທະຮູບ ຮູບປັ້ນ ພຣະທາດ ... ຕ້ອງອ່ານຫຼາຍພຣະສູດ