ໜ້າທີ່ຂອງພຣະຄືສະແດງທັມ ເມື່ອມີຄົນປ່ວຍໃກ້ຕາຍ ໂດຍປົກກະຕິ ພຣະຈະໄປສະແດງທັມໃຫ້ຟັງ ເຊັ່ນ ອະນາຖະບິນທິກະເສດຖີປ່ວຍໃກ້ຕາຍ ມີຄົນເຮັດໜ້າທີ່ນີ້ໄດ້ຢູ່ແລ້ວ ກໍຍັງໄປເຮັດ ເຮັດແລ້ວກໍຖ່າຍຮູບໃຫ້ຄົນອື່ນໄດ້ຮູ້ ກໍຕ້ອງຖາມໄປວ່າ "ເພື່ອຫຍັງ?"

ຖ້າບໍ່ມີໃຜເຮັດໜ້າທີ່ນີ້ເລີຍ ກໍຄວນເອົາແບບຢ່າງຊ່າງໝໍ້ຊື່ ຂະຕິກາຣະ ຜູ້ອຸປັດຖາກພຣະຜູ້ມີພຣະພາກເຈົ້າພະນາມວ່າ ກັດສະປະ ເພິ່ນເປັນຮອດອະນາຄາມີ ແຕ່ກໍຍັງບໍ່ບວດ ເພາະຍັງມີພາລະຕ້ອງລ້ຽງມານດາບິດາຜູ້ຊະລາແລະຕາບອດ ເຖິງແມ່ນວ່າບໍ່ໄດ້ບວດ ກໍສາມາດປະຕິບັດຕາມຂໍ້ຂອງຕົນເອງໄດ້.

ຖ້າຫວັງໃນລາບສັກກາລະແລະຄວາມສັນລະເສີນດ້ວຍອິລິຍະບົດໃດ (ເພາະຖ້າບໍ່ຫວັງໃນລາບສັກກາລະ ຊິຖ່າຍຮູບໃຫ້ຄົນອື່ນເບິ່ງເຮັດຫຍັງ) ກໍຕ້ອງອາບັດທຸກກົດ ບໍ່ແມ່ນແຕ່ອາບັດທຸກກົດເທົ່ານັ້ນ ແຕ່ການບົ່ມຕົນເອງໃຫ້ຍຶດຕິດໃນລາບສັກກາລະແລະຄວາມສັນລະເສີນເປັນການເພີ່ມພູນກິເລດ ພຸດທະຕັດໄວ້ວ່າ ລາບສັກກາລະແລະຄວາມສັນລະເສີນ ທາລຸນເຜັດຮ້ອນ ຫຍາບຄາຍ ເປັນອັນຕະລາຍ ຖ້າຈັບຕ້ອງກາຍມານດາດ້ວຍຄວາມຮັກສັນມານດາຕ້ອງອາບັດທຸກກົດ ...

ອາສະວະທັງຫຼາຍ ຍ່ອມຈະເລີນແກ່ບຸກຄົນຜູ້ທີ່ບໍ່ຮູ້ວ່າສິ່ງໃດຄວນ ສິ່ງໃດບໍ່ຄວນ