ເຊັ່ນ ການໃຫ້ທານ 7 ຢ່າງ ທີ່ຫວັງຜົນຕ່າງກັນ ໃນທານສູດ ໃນເວລາມະສູດ ... ຈະເລີນອະນິດຈະສັນຍາແມ້ແຕ່ພຽງເວລາລັດນິ້ວມືມີຜົນຫຼາຍກວ່າຈະເລີນເມດຕາຈິດ ກໍລ້ວນແຕ່ຫວັງຜົນທັງນັ້ນ ເນື່ອງຈາກໃນທັມວິໄນນີ້ ອາໄສທັມເພື່ອໜີຈາກທັມແລະອະທັມ ດັ່ງນັ້ນ ການທຳກຸສົນໂດຍບໍ່ຫວັງຜົນຍ່ອມບໍ່ມີ ຕ້ອງເວົ້າໃຫ້ກົງ ແຕ່ຖ້າຍັງບໍ່ແມ່ນຜູ້ຫຼຸດພົ້ນແລ້ວໄປເວົ້າວ່າບໍ່ຫວັງຜົນ ມັນຊິເປັນການຂີ້ໂມ້.

ທຳມະຊາດນີ້ ທຳບຸນໂດຍບໍ່ຮູ້ກໍໄດ້ບຸນ ທຳບາບໂດຍບໍ່ຮູ້ກໍໄດ້ບາບ ແຕ່ຄົນທີ່ທຳບຸນໂດຍບໍ່ຮູ້ວ່າເປັນບຸນ (ໃນຂະນະເຮັດຢູ່ນັ້ນ ບໍ່ຮູ້ວ່ານີ້ເປັນບຸນ) ບໍ່ໄດ້ໝາຍຄວາມວ່າ ເຂົາຊິບໍ່ຫວັງຜົນໃດ໋ ເຊັ່ນ ເກັບເຫຼັກຕະປູອອກຈາກຖະໜົນຫົນທາງຊື່ໆ ໂດຍບໍ່ໄດ້ຄິດຫຍັງ ບໍ່ຮູ້ວ່ານີ້ເປັນບຸນ ມີຄົນໂຍນເຫຼັກຕະປູນັ້ນເຂົ້າໄປຖະໜົນອີກ ແລ້ວບອກວ່າ ຈົ່ງເກັບອອກອີກ ຊິໃຫ້ເງິນສິບລ້ານ ເຈົ້າຄິດວ່າ ເຂົາຊິບໍ່ເກັບອອກອີກບໍ່ ? ຫຼື ເກີດເປັນຄົນທຸກຍາກຢູ່ ຊິບໍ່ຫວັງໃຫ້ຕົນມີຢູ່ມີກິນບໍ່ ເພາະທຳມະຊາດຂອງສັດໂລກ ເມື່ອມີເວທະນາທີ່ເປັນທຸກ ຍ່ອມຫວັງເວທະນາທີ່ເປັນສຸກເປັນທຳມະດາ ທຳບຸນບໍ່ຫວັງຜົນບໍ່ມີດອກ.