1 ກັບດົນນານຊ່ຳໃດ ພຣະພຸດທະເຈົ້າອຸປະມາໄວ້ດັ່ງນີ້

• ພູເຂົາຫີນແທ່ງໃຫຍ່ຍາວ 1 ໂຍດ ກວ້າງ 1 ໂຍດ ສູງ 1 ໂຍດ ບຸລຸດພຶ່ງເອົາຜ້າແຄວ້ນກາສີມາແລ້ວປັດພູເຂົານັ້ນ 100 ປີຕໍ່ຄັ້ງ ພູເຂົາຫີນນັ້ນພຶ່ງໝົດໄປ ສິ້ນໄປ ຍັງໄວກວ່າ 1 ກັບ
• ນະຄອນທີ່ເຮັດດ້ວຍເຫຼັກຍາວ 1 ໂຍດ ກວ້າງ 1 ໂຍດ ສູງ 1 ໂຍດ ເຕັມດ້ວຍເມັດພັນຜັກກາດ ບຸລຸດພຶ່ງຫຍິບເອົາເມັດພັນຜັກກາດອອກຈາກນະຄອນນັ້ນ ໂດຍລ່ວງໄປ 100 ປີຕໍ່ເມັດ ເມັດພັນຜັກກາດກອງໃຫຍ່ນັ້ນ ພຶ່ງໝົດໄປ ສິ້ນໄປ ເພາະຄວາມພະຍາຍາມນີ້ ຍັງໄວກວ່າ 1 ກັບ
• ປຽບຄົນພານຜູ້ໄປວິນິບາດໃນຄາວໜຶ່ງແລ້ວກວ່າຊິໄດ້ເກີດເປັນມະນຸດອີກຄັ້ງນັ້ນແສນຍາກ ປຽບເໝືອນທຸ່ນມີບ່ວງຕາດຽວກັບເຕົ່າຕາບອດໃນມະຫາສະໝຸດ ທຸ່ນນັ້ນໃນມະຫາສະໝຸດຖືກລົດພັດໄປທັງ 4 ທິດ ມີເຕົ່າຕາບອດໂຕໜຶ່ງຢູ່ໃນມະຫາສະໝຸດນັ້ນ ລ່ວງໄປ 100 ປີ ໂຜ່ຂຶ້ນມາເທື່ອໜຶ່ງ ການທີ່ເຕົ່ານັ້ນຈະໄດ້ເອົາຄໍສວມເຂົ້າໃສ່ໃນທຸ່ນນັ້ນໄດ້ ບໍ່ແມ່ນຂອງງ່າຍ ຄືກັນກັບການທີ່ຈະໝຸນມາໄດ້ເກີດເປັນມະນຸດອີກ