• ບອກໃຫ້ນຳສັດມາ ບາບໃນສ່ວນນີ້
• ຕອນນຳສັດມາ ສັດມັນມີຄວາມທຸກ ບາບໃນສ່ວນນີ້ອີກ
• ນຳມາແລ້ວບອກໃຫ້ຂ້າ ບາບໃນສ່ວນນີ້ອີກ
• ສັດທີ່ກຳລັງຖືກຂ້າຢູ່ນັ້ນເຈັບປວດເປັນທຸກບາບໃນສ່ວນີ້ອີກ
• ໃຫ້ຕະຖາຄົດແລະສາວົກຕະຖາຄົດຍິນດີດ້ວຍເນື້ອທີ່ເປັນອະກັບປິຍະນັ້ນ ບາບໃນສ່ວນນີ້ອີກ

ບໍ່ວ່າຈະເປັນບາບຫຼືບຸນ ລ້ວນແຕ່ມີການຈຳແນກ ສ່ວນໃດທີ່ເປັນບາບ ກໍວ່າໄປຕາມບາບ ສ່ວນໃດທີ່ເປັນບຸນກໍວ່າໄປຕາມບຸນ ເຊັ່ນ ພຣະສູດນີ້

• ບຸກຄົນຜູ້ມືດມາມືດໄປ: ບຸກຄົນເຊັ່ນນີ້ ເກີດມາມີບາບ ເຊັ່ນ ເປັນຄົນຍາກຈົນ ຮູບຮ່າງໜ້າຕາບໍ່ດີ ແຖມຍັງທຳບາບໃໝ່ອີກ ເຊັ່ນ ເປັນມິດສາຊີບ ໃຫ້ໄດ້ໂພຄະຊັບມາ ເຂົາຕາຍໄປ ຍ່ອມເຂົ້າເຖິງອະບາຍ ທຸກຄະຕິ ວິນິບາດ ນະຣົກ
• ບຸກຄົນຜູ້ມືດມາພັດສະວ່າງໄປ: ບຸກຄົນເຊັ່ນນີ້ເກີດມາມີບາບ ເຊັ່ນ ເປັນຄົນຍາກຈົນ ຮູບຮ່າງໜ້າຕາບໍ່ດີ ແຕ່ກໍບໍ່ທຳບາບໃໝ່ ເຊັ່ນ ບໍ່ເປັນມິດສາຊີບ ໃຫ້ໄດ້ໂພຄະຊັບມາ (ແຕ່ສ້າງບຸນໃໝ່) ເຂົາຕາຍໄປຍ່ອມເຂົ້າເຖິງສຸກຄະຕິໂລກສະຫວັນ
• ບຸກຄົນຜູ້ສະວ່າງມາແລ້ວພັດມືດໄປ: ບຸກຄົນເຊັ່ນນີ້ເກີດມາມີບຸນ ເຊັ່ນ ເປັນຄົນຮັ່ງມີ ຮູບຮ່າງໜ້າຕາດີ ແຕ່ພັດສ້າງບາບໃໝ່ ເຂົາຕາຍໄປຍ່ອມເຂົ້າເຖິງ ອະບາຍ ທຸກຄະຕິ ວິນິບາດ ນະຣົກ (ຫຼົງກັບຄວາມສຸກ ເກີດຄວາມປະໝາດ ສ້າງບາບອັນຈະສົ່ງຜົນໃນອະນາຄົດ ບາງຄົນເຫັນຄົນນີ້ທຳຊົ່ວຢູ່ອາດຄິດວ່າ ເປັນຫຍັງທຳຊົ່ວຢູ່ພັດໄດ້ດີ ອັນນີ້ເປັນເພາະບຸນເກົ່າຂອງເຂົາ ແຕ່ບາບທີ່ທຳ (ໃໝ່ໃນປັດຈຸບັນ) ຍັງບໍ່ສົ່ງຜົນ ເຂົາຍ່ອມເຫັນບາບວ່າດີ
• ບຸກຄົນຜູ້ສະວ່າງມາສະວ່າງໄປ: ບຸກຄົນເຊັ່ນນີ້ເກີດມາມີບຸນ ເຊັ່ນ ເປັນຄົນຮັ່ງມີ ຮູບຮ່າງໜ້າຕາດີ ແຕ່ກໍບໍ່ທຳບາບໃໝ່ (ສ້າງບຸນໃໝ່) ເຂົາຕາຍໄປຍ່ອມເຂົ້າເຖິງສຸກຄະຕິໂລກສະຫວັນ

ນອກຈາກນີ້ ຍັງນັບເປັນຈຳນວນຂອງຜູ້ຖືກກະທຳ ເຊັ່ນ ທຳບາບຕໍ່ສ່ວນລວມ ບາບຫຼາຍ ເພາະກະທຳຜິດຕໍ່ຫຼາຍໆຄົນ

ແລະຖ້າໃນຈຳນວນນັ້ນ ເປັນຜູ້ມີຄຸນຢູ່ນຳ ເຊັ່ນ ເປັນຜູ້ຖື ພຣະຣັດຕະນະໄຕຢ່າງຖືກຕ້ອງ (ບໍ່ຖືວັດຖຸ ເຄື່ອງລາງຂອງຄົງ) ... ມີສິນ ... ພຣະໂສດາບັນ ... ຜົນກໍຍິ່ງອອກຫຼາຍ ເພາະເຂົາເປັນຜູ້ທີ່ຕັ້ງຢູ່ໃນຄຸນ (ທຽບຄຽງໃນທັກສິນາວິພັງຄະສູດ)